يـاقلب لاتشـكي همومـك علـى النـاس

[علــي المقبالــي]

ياقلب لاتشكي همومك على النـــــاس
ماكل شخص(ن)يعذرك في مصــــابك

لاتسكب الدمعه على خد حســــــــاس
ولا تحرق اوراق الزهر في عتابـــك

ولا تضيق الصدر المولع بالانفـــاس
ولاتقطع عروق(ن)بكت عند بابــــك


ياقلب ولله مابقى بعيني انعــــــــاس
يومك شكيت الحب محد(ن)درابـــك

النار ماتحرق سوى رجل من داس
وللي كواه الحب يفهـم خطابــــــــك

قبلك شرب مجنون ليله من الكاس
واليوم نفس الكاس تسقى شــرابك

ياقلب اعرف معدنك معدن الماس
توفي لحبيب الروح لوهو رمابـــك

ياقلب خلك بالشدايد قـوى بـــــاس
لا تلتفت للجرح لوهـو سطابــــــك

ياقلب لا تسقي عروقك من الياس
وخل الامل والصدق دايم زهابــــك

مادام طاحت فاسك اليوم بالـراس
اعذر جميع الناس واخفي عذابـك


تحيـــــــــاتي لـــــــــــــــــكم


م ن ق و ل

[آخر ألم]

الله الله على الذوق يا جريح صحار

يسلمووووو على هذا التواصل المبدع

ويعطيك العافيه

[ابوسالم]

تسلم على النقل اخينا جريح صحار بالصراحة تنتقى الكلمات الطيبة
الظاهر لها تأثير معاك

[علــي المقبالــي]

شكرا على المرور اخي المجنووون والرد الرائع

[زمان أول]

وعليكم السلام ورحمة الله وبركاته


قبلك شرب مجنون ليله من الكاس
واليوم نفس الكاس تسقى شــرابك

كلمات وقصيده رائعه من روعة ناقلها
يعطيك العافيه اخوي جريح صحار الله
يدمل جروحك وجروح كل المحبين
أحسنت ألإختار وأبدعت في النقل

[علــي المقبالــي]

شكرا اخي بارق الشمال على مرورك الطيب

[علــي المقبالــي]

شكرا اخي زمان أول على المرور والرد الرائع

[الغافرية]

قصيده رائعه والاروع ان قافية الشطر الاول تنتهي بالسين ......
سلمت اناملك جريح صحار