كفاية من الحب

[آخر ألم]

يا آخر أشلائي كفايه من الحب..
ذبت وتعبت وصار دمعي غذائي..

أبغى أمر الموت ساجد إلى الرب..
وأبغى أصارع لحظتي في دعائي..

يا أوجع سنيني التي تعذب القلب..
هذي ثلاثين الحـــلوم وغبائي..

ملحت جرحي بدمع لك دوم يسكب..
وحفظت لك كــل العهود ولائي..

لو قلت لك بنســاك والله أكذب..
ولو قيدوني بالنظم لك بقــائي..

لي روح تسكن فيك وتذوب لك حب..
ولك روح لو تسمح تجي في فضائي..

خرجت من بحر الغلا والعشق درب..
أمشي بها وأنتي مـرادي وهنائي..

[عاشق الاودية]

صح لسانك شاعرنا
اعتقد ان الشعر اختلف قليلا
الى الامام دائما

[عاشقة رونق]

هلا وغلا بك معرسناا اخر الالم
اشكرك على هذي الابيات الطيبه
ومشاركه الرائعه ...طلعت شااعر ..
نتظر المزيد
ووفقك لله

[ابوسالم]

تسلم آخر الم على هذه الكلمات الجميلة بس لاتقول كفاية من الحب او انك خلاص عرست ههههه

[آخر ألم]

صح لسانك شاعرنا
اعتقد ان الشعر اختلف قليلا
الى الامام دائما

يا هلا بأخوي عاشق الأودية

نفس الجروح اللي بقلبي من سنين..
تنزف وأخاف النزف يطرأ ببوحي..

وشكرا لك على هذا المرور الرائع
ويعطيك العافيه

[آخر ألم]

هلا وغلا بك معرسناا اخر الالم
اشكرك على هذي الابيات الطيبه
ومشاركه الرائعه ...طلعت شااعر ..
نتظر المزيد
ووفقك لله

هلا وسهلا
أنا لست شاعرا

ولكن مازلت أحاول وضع أسم لي هنا

ويعطيك العافيه

وتسلمين على المرور

[آخر ألم]

تسلم آخر الم على هذه الكلمات الجميلة بس لاتقول كفاية من الحب او انك خلاص عرست ههههه

شكرا لك أخي على هذا التشريف
لا يوجد بديل عن الحب لحد الآن
نعم إننا نحاول الخروج من سجون الحب
ولكن لا يوجد لنا غنى عنه

وتسلم على المرور

[أثير]

هنا تحلو لي المشاركة

حيث اجد واجدد روح سلا الروح

سلمت يدالك


:\\بس............

هذي ثلاثين الحـــلوم وغبائي..


اخوي آخر الم .. ما فهمت هذي الكلمات

:
:

[آخر ألم]

شكرا لك أختي سلا الروح
وهذي ثلاثين الحلوم وغبائي

ثلاثين الحلوم هديه للحبيبه

أخذتها من الحبيب بسبب غباءه

مرورك له ذوق خاص

ويعطيك العافيه

[بنت النور]

ياسلام على هالأبيات الحلوه
ماشاءالله عليك يامشرفنا أخر ألم
دوووم مبدع ونتمنى لك التوفيق
لك تحياتي

[آخر ألم]

شكرا لك أختي بنت النور
وسعيد جدا بمروك
ويعطيك العافية